Noodnommer: 087 711 5911
Kieslys

Die nuwe AfriForum-noodknoppietoepassing:

Plaas jou en jou gesin se

veiligheid eerste!

Plaas jou en jou gesin se veiligheid eerste

Die AfriForum-noodtoepassing is ’n noodreaksietoep of fisiese knoppie wat jou tydens ’n noodgeval met toepaslike nooddiensverskaffers verbind.

Laai die AfriForum-noodknoppietoepassing hiér af:

Die AfriForum-noodknoppietoepassing is ’n noodreaksietoep wat jou tydens ’n noodgeval met die Forum Sekuriteit-beheerkamer verbind. Die beheerkamer sal jou noodgeval bevestig deur telefonies met jou in verbinding te tree en sodoende die noodgeval koördineer en die nodige nooddienste en sorg ontbied.  

Deur bloot ’n knoppie op die toep te druk, stuur die toep jou presiese GPS-bepaalde ligging en ook jou persoonlike besonderhede, tesame met jou naasbestaandes se inligting en mediese besonderhede na die beheerkamer. Noodseine wat al hierdie inligting aanstuur beteken vinniger reaksietye en dat inligting intyds aan reaksiepersoneel oorgedra word, sodat ’n meer effektiewe diens gelewer word.

Plaas jou en jou gesin se veiligheid eerste. Laai die AfriForum-noodknoppietoepassing  vandag nog af. Stoor ook AfriForum se noodnommer (087 711 5911) as ’n kontak op jou slimfoon.

AfriForum se noodtoepassing verbind jou met die Forum Sekuriteit-beheerkamer vir vinnige en doeltreffende nooddiensversoeke.

Onthou dat jy data op jou slimfoon beskikbaar moet hê en dat jou slimfoon se liggingsdienste geaktiveer moet wees om hierdie diens te kan gebruik.

Die AfriForum-noodknoppietoepassing is slegs vir AfriForum-lede en is gratis op jou slimfoon beskikbaar.

Wanneer jy in nood verkeer:

  • Druk bloot die knoppie en jy word onmiddellik met Forum Sekuriteit se gesentraliseerde beheerkamer verbind.

Die beheerkamer stel dan die volgende persone/instansies van die noodsituasie in kennis:

  • Die SAPD se Nasionale Operasionele Bevelsentrum (NOCC), ook bekend as die Nasionale Gesamentlike Operasionele en Intelligensiestruktuur (NATJOINTS)
  • AfriForum-buurtwagte regoor die land

AfriForum reageer vinnig en so goed moontlik op elke noodsituasie.

Pakkette

Opsie 1

AfriForum-noodknoppietoep

Met hierdie opsie het jy gratis toegang toe die AfriForum-noodknoppietoep.

*Hierdie is slegs vir AfriForum-lede en is gratis op jou slimfoon beskikbaar.

Gratis

Opsie 2

AfriForum-noodknoppie

Vir lede wat vinnige, professionele hulp en gemoedsrus soek.

  • aangebied in samewerking met Fidelity en Rocket drie nasionale beheerkamers – 24/7- landwye koördinering en ondersteuning
  • buurtwagondersteuning – onmiddellike reaksie in jou omgewing
  • plaaslike professionele dienste, wat sekuriteit, medies én brandweer insluit
  • fisiese noodknoppie ingesluit wat by jou adres afgelewer word

R299.99 per maand

Opsie 3

AfriForum 911-noodradio

Vir lede wat vinnige, professionele hulp en gemoedsrus soek

  • Hierdie is ’n tweeringtingradio wat jy by AfriForum huur
  • Daar is drie nasionale beheerkamers vir 24/7- landwye koördinering en ondersteuning.
  • Dit is ideaal vir noodsituasies of vinnige instruksies.
  • Die radio het ook ’n paniekknoppie op die toestel vir wanneer jy nie kan praat nie.

R299.99 per maand

Gereelde vrae:

Die AfriForum-noodknoppie is ’n noodreaksieplatform wat jou aan die Forum Sekuriteit-beheerkamer verbind, wat jou noodgeval en -behoefte bepaal en dan die nodige nooddienste ontbied. Die Forum Sekuriteit-beheerkamer kan die hulp van verskeie nood- en veiligheidsdienste ontbied en koördineer om jou te help in ’n noodsituasie.

Laai die AfriForum-noodknoppietoep by die Google Play Store of Apple AppStore af. Registreer jou besonderhede, ontvang ’n eenmalige PIN via SMS en aktiveer jou foon se liggingsdienste. Nou is jy gereed om die diens te gebruik!

Jy kan die volgende noodgevalle met die toep aanmeld:

  • Paniek- of ander veiligheidsinsidente
  • Mediese noodgevalle
  • Brande

Sodra jy ’n noodgeval aanmeld, ontvang die beheerkamer jou ligging en besonderhede. Afhangend van die tipe noodgeval word die toepaslike hulpdiens (bv. Netcare/ER24, die SAPD, buurtwag of plaaslike privaat nooddienste) onmiddellik  in kennis gestel. Die privaat nooddienste word egter nie met die gratis opsie gewaarborg nie.

Ja, slegs AfriForum-lede kan op die AfriForum-noodknoppietoep inteken. Lidmaatskap van AfriForum word wel aanbeveel vir toegang tot breër gemeenskapsveiligheidshulpbronne.

Ja, al jou inligting word volgens ’n streng privaatheidsbeleid hanteer. OTP-verifikasie en veilige databerging verseker dat jou inligting veilig bly.

Die toep gebruik jou ligging om noodspanne daarheen te stuur, selfs as jy nie kan praat nie. Jy hoef net die toep oop te maak en die toepaslike knoppie te druk.

Ja, daar is gesinspakkette beskikbaar. Elke gesinslid moet egter hul eie profiel en toestel registreer, maar almal kan aan dieselfde hoofrekening gekoppel wees.

Dit is belangrik om die bepalings en voorwaardes te begryp voordat jy die toep aflaai en begin gebruik. Die bepalings en voorwaardes sluit onder meer beperkings van die AfriForum-noodknoppietoep se dienste en die reaksieradius in.

’n Swak netwerkkonneksie kan die stuur van die eenmalige PIN langer as gewoonlik laat neem. Probeer ’n plek kry waar jou sein sterker is en wag sowat tien minute. Probeer weer aanteken as jy ná tien minute steeds nie ’n eenmalige PIN gekry het nie. Die eenmalige PIN word gestuur na die nommer soos geregistreer op die AfriForum-lededatabasis. Die boodskap op die toep waar jy die eenmalige PIN aanvra wys die laaste vier nommers waarheen die PIN gestuur is. As hierdie nommers nie ooreenstem met jou huidige nommer nie, kontak gerus AfriForum Ledediens deur ’n e-pos te stuur aan diens@afriforum.co.za of teken aan op die ledeportaal MyAfriForum https://my.afriforum.co.za/ en stel jou nommer self reg.

Vennote

AfriForum glo dat gemeenskappe betrokke moet wees by aksies om misdaad te voorkom. Ons kan nie en mag nie apaties teenoor betrokkenheid staan nie. AfriForum se standpunt is dat gemeenskappe bemagtig moet word om ook met selfrespek na hulself om te sien.

Studentetoep

’n Betroubare veiligheidsoplossing vir studente

’n Gevorderde studentetoep is ontwerp om studente se veiligheid te ondersteun deur onmiddellike toegang tot noodhulp en padbystand te bied. Dié toep stel gebruikers in staat om hulp in geval van ’n noodgeval vinnig en doeltreffend te ontbied, met ’n toegewyde reaksiespan wat 24/7 beskikbaar is. Ons streef daarna om ’n veiliger omgewing vir studente te skep – enige tyd, enige plek.

Registreer vandag en neem beheer van jou veiligheid.

Kontak ons

"*" indicates required fields

This field is for validation purposes and should be left unchanged.
Naam en van*